Ҷомеа

Дилшод Назаров барандаи Ҷоизаи Ассотсиатсияи Кумитаҳои миллии олимпӣ

Дилшод Назаров барандаи бо Ҷоизаи Ассотсиатсияи Кумитаҳои миллии олимпӣ (ANOC)мукофотонида мешавад.

Бино ба иттилои Баҳрулло Раҷабалиев, котиби генералии Кумитаи миллии олимпии Тоҷикистон, Дилшод Назаров бо пешниҳоди Кумитаи олимпӣ ба ин ҷоиза қадрдонӣ шудааст.

Таджикский

Ғорати гимназияи таълимии “Нур” дар вилояти Суғд

Мақомоти корҳои дохилӣ дар вилояти Суғд як ҷавони 19-соларо бо иттиҳоми ғорати хазинаи гимназияи “Нур” боздошт кардаанд.

Дафтари матбуоти ВКД мегӯяд,  ҳодисаи ғорати хазинаи гимназияи “Нур” субҳи 5 ба 6-уми октябр сурат гирифтааст.

Ба гуфтаи манбаъ, шахсони номаълум “бо тариқи пинҳонӣ вориди ҳуҷраи хазинадории гимназияи мазкур шуда, аз он ҷо ду адад ноутбуки тамғаи “Асер”, як адад принтери тамғаи “НР” ва як адад компютери тамғаи “LG”, ҷамъ ба маблағи умумии 10000-сомониро дуздида, аз ҷойи ҳодиса ғайб задаанд.”

Таджикский

Ҳалокати майори Вазорати мудофиа дар Бадахшон

Неъматулло Хайруллоев, майори Вазорати мудофиаи Тоҷикистон дар пайи чаппа шудани як БТР  дар ноҳияи Ишкошим ба ҳалокат расидааст.

Расонаҳои хабарӣ менависанд, майор замоне ба ҳалокат расид, ки як ҳамроҳ бо сарбозон барои иштирок дар размоиши муштараки нерӯҳои мусаллаҳи Тоҷикистону Чин мерафтанд.

Ҷасади майор Хайруллоеви 31-сола дар зодгоҳаш ноҳияи Вахш ба хок супорида шудааст.

Таджикский

Қасди худкушии як зани 58-сола дар Суғд

Кумитаи ҳолатҳои фавқулодда ва мудофиаи граждании назди Ҳукумати Тоҷикистон мегӯяд, кормандонаш як зани 58-сола аз қасди худкушӣ наҷот додаанд. Ин ҳодиса ҳамагӣ чанд рӯз пештар дар соҳили дарёи Сир рух додааст.

Умеда Юсупова, сухангӯи ниҳод дар шарҳи ин хабар гуфт, ки хонуми 58-сола бо қасди поён додан ба ҳаёташ ва раҳоӣ аз қайди мушкилот мехост аз болои пул худро ба зер афканад.

Таджикский

Кумитаи ҳолатҳои фавқулодда ҳушдор медиҳад

Кумитаи ҳолатҳои фавқулодда ва мудофиаи граждании Ҷумҳурии Тоҷикистон сокинон ва меҳмонони кишварро огоҳ мекунад, ки рӯзҳои 18-19-уми октябри соли ҷорӣ дар қаламрави мамлакат ҳаво рӯ ба сардӣ меорад. Борон ва боди сарду сахт дар назар аст. 

Ҳарорати ҳаво дар водиҳо ба 10-12°С мерасад. Дар манотиқи баландкуҳ барф меборад, дар навоҳии ҷудогона бӯрони шадид ҳам интизор меравад. Дар ин рӯзҳо дар минтақаҳои куҳӣ ва ноҳияҳои наздикуҳӣ хатари омадани сел вуҷуд дорад. 

Таджикский

Инҳоро бояд шинохт: Абдуазими Абдуваҳҳоб

Муҳаррири вақти нашрияи “Нигоҳ” ва сармуҳаррири хабаргузории Тоҷнюс.

16-уми октябри соли 1985 дар деҳаи Томини ноҳияи Айнӣ дида ба олам кушодааст. Солҳои 2003-2008 дар факултаи журналистикаи Донишгоҳи миллии Тоҷикистон таҳсил кардааст.

Таджикский

Садамаи маргбор дар роҳи “Душанбе-Варзоб-Хуҷанд”

Бар асари бархӯрди мошини тамғаи “Дулан” ба “Лексус-330” ва “Опел-Зефира” дар роҳи “Душанбе-Варзоб-Хуҷанд” як марди ба тахмин  30-40 солае, ки ҳоло шахсияташ маълум нест, ба ҳалокат расидааст ва марди 31-сола, сокини ноҳияи Абдураҳмони Ҷомии вилояти Хатлон ҷароҳати вазнин бардошта, дар бемористон бистарӣ шудааст.

Бино ба гузориши дафтари матбуотии Вазорати корҳои хориҷии Тоҷикистон, ин ҳодиса субҳи бармаҳал дар километри 56-уми роҳи мошингарди Душанбе-Хуҷанд рух додааст.

Таджикский

Дар суги Маъруфи Бобораҷаб-котиби масъули нашрияи “Минбари халқ”

14-уми октябри соли равон журналисти шинохта, котиби масъули нашрияи ҳизбии “Минбари халқ” Маъруфи Бобораҷаб бар асари фишори баланд дар бемористони Қаряи болои пойтахт дар синни 57-солагӣ аз олам даргузашт.

Таджикский

Гумонбар дар қатли сокини Хоруғ ба ҳабс гирифта шуд

Орзу Бойназаров, сокини шаҳри Хоруғ ва гумонбар дар қатли Фирӯз Одинашоеви 33-сола аз ҷониби мақомоти интизомии Тоҷикистон боздошт шудааст.

Бино ба иттилои Умарҷони Эмомалӣ, сухангӯи ВКД, 13-уми октябр Орзу Бойназаров дар пайи як амалиёти ҷустуҷӯии мақомоти интизомӣ боздошт ва ба ҳабс гирифта шудааст.

Таджикский

Барандагони Ҷоизаи Лоҳутӣ мушаххас шудаанд

Иттифоқи журналистони Тоҷикистон 17-уми октябр барандагони Ҷоизаи ба номи Абулқосим Лоҳутиро эълон хоҳад кард.

Зинатуллоҳ Исмоилзода, раиси Иттифоқи журналистони Тоҷикистон мегӯяд, “Кумитаи ҷоизаҳои ИЖТ аз байни беш аз 30 нафар журналистон ва тадқиқгароне, ки маводи худро пешниҳод сохта буданд,  беҳтаринҳоро муайян намудааст, ки исми онҳо рўзи 17 октябр дар ҷаласаи тантанавӣ эълон мегардад.”

Ҷаноби Исмоилзода илова кард, ки “ба ғолибон мукофоти пулӣ, шаҳодатнома ва нишони Лауреати Ҷоизаи Абулқосим Лоҳутӣ тақдим карда мешавад.  “

Таджикский

Страницы

Подписка на RSS - Ҷомеа